விருந்தோம்பல்

பாடல் வரிகள்

அதிகாரம் 9 – விருந்தோம்பல் [சரணம் 1] இருந்தோம்பி இல்வாழ்வது எல்லாம் விருந்தோம்பி வேளாண்மை செய்தற் பொருட்டு! இல்லற வாழ்வின் உயர்ந்த நோக்கம், இனிதாய் விருந்தினரை ஏற்றலன்றோ, அன்பின் கரங்கள் திறந்து வைத்து, அனைவரையும் மகிழ்வுடன் வரவேற்போம்! ________________________________________ [சரணம் 2] விருந்து புறத்ததாத் தானுண்டல் சாவா மருந்தெனினும் வேண்டற்பாற்று அன்று! விருந்தினர் வெளியில் நிற்கும்போது, தனியே உண்ணுதல் நன்றல்லவே, அமிழ்தம் ஆனாலும் அதனை விடுவோம், அன்போடு பகிர்ந்தே வாழ்ந்திடுவோம்! ________________________________________ [சரணம் 3] வருவிருந்து வைகலும் ஓம்புவான் வாழ்க்கை பருவந்து பாழ்படுதல் இன்று! நாள்தோறும் விருந்தினரைப் போற்றி, நயமுடன் வாழ்வை நடத்துபவன், அவனது இல்லம் வளமுடன் என்றும், அழிவின்றி செழித்து விளங்கிடுமே! ________________________________________ [சரணம் 4] அகனமர்ந்து செய்யாள் உறையும் முகனமர்ந்து நல்விருந்து ஓம்புவான் இல்! மலர்ந்த முகத்தால் வரவேற்கும், மனமகிழ் இல்லம் மங்களமாம், செல்வத் தெய்வம் தங்கும் இடமாம், சிரிப்புடன் விருந்தை உபசரிப்போம்! ________________________________________ [சரணம் 5] வித்தும் இடல்வேண்டும் கொல்லோ விருந்தோம்பி மிச்சில் மிசைவான் புலம்! விருந்தினர்க்கு முதலில் அளித்து, மீதியை மகிழ்ந்து உண்பவர்க்கு, விதை இல்லாமலும் விளைச்சல் பெருகும், விருந்தோம்பல் தரும் அருளாலே! ________________________________________ [சரணம் 6] செல்விருந்து ஓம்பி வருவிருந்து பார்த்திருப்பான் நல்விருந்து வானத்தவர்க்கு! வந்தவரையும் வருவோரையும், வாஞ்சையுடன் எதிர்நோக்குவான், அன்பின் விருந்தை அளிப்பவனுக்கு, வானவர் கூட விருந்தளிப்பார்! ________________________________________ [சரணம் 7] இனைத்துணைத்து என்பது ஒன்றில்லை விருந்தின் துணைத்துணை வேள்விப் பயன்! விருந்தோம்பல் செய்யும் பலனை, அளவிட்டு யாரும் கூற முடியாது, அன்பின் செய்கை வளர்க்கும் புகழ், அனைத்திலும் மேலாய் திகழ்ந்திடுமே! ________________________________________ [சரணம் 8] பரிந்தோம்பிப் பற்றற்றேம் என்பர் விருந்தோம்பி வேள்வி தலைப்படா தார்! செல்வம் காத்தும் பயனில்லை, பகிர்ந்திடா வாழ்க்கை வெறுமையன்றோ, விருந்தோம்பல் மறந்த மனிதர், வாழ்வின் சிறப்பை இழந்தவரே! ________________________________________ [சரணம் 9] உடைமையுள் இன்மை விருந்தோம்பல் ஓம்பா மடமை மடவார்கண் உண்டு! செல்வம் இருந்தும் பயனில்லையே, விருந்தோம்பல் இல்லாத வீட்டினிலே, பகிர்ந்திடும் பண்பே உண்மைச் செல்வம், பண்புடையோர் வாழ்வின் பெருமையாகும்! ________________________________________ [சரணம் 10] மோப்பக் குழையும் அனிச்சம் முகந்திரிந்து நோக்கக் குழையும் விருந்து! அனிச்ச மலரும் முகர்ந்தால் வாடும், அதுபோல் விருந்தினர் மனமும் வாடும், இன்முகம் கொண்டு வரவேற்றிடுவோம், இன்பம் பெருகும் இல்லமதுவே!