தெரிந்துவினையாடல்

பாடல் வரிகள்

அதிகாரம் 52 – தெரிந்து வினையாடல் [சரணம் 1] நன்மையும் தீமையும் நாடி நலம்புரிந்த தன்மையான் ஆளப் படும்! நன்மை தீமை ஆராய்ந்து, நல்லதை விரும்பி நடப்பவனை, பொறுப்புடன் செயல்படுவான் என்று, நம்பி வேலை ஒப்படைப்போம்! ________________________________________ [சரணம் 2] வாரி பெருக்கி வளம்படுத்து உற்றவை ஆராய்வான் செய்க வினை! வளங்களைப் பெருக்கி காத்து, வாய்ப்புகளை ஆராய்ந்து செய்து, முன்னேற்றம் தரும் செயல்களை, முயற்சியுடன் மேற்கொள்வோம்! ________________________________________ [சரணம் 3] அன்பறிவு தேற்றம் அவாவின்மை இந்நான்கும் நன்குடையான் கட்டே தெளிவு! அன்பும் அறிவும் துணிவுடனே, ஆசை இல்லா நல்ல மனமும், இந்த நான்கு குணம் உடையவரை, நம்பி பொறுப்பு கொடுத்திடுவோம்! ________________________________________ [சரணம் 4] எனைவகையான் தேறியக் கண்ணும் வினைவகையான் வேறாகும் மாந்தர் பலர்! ஒருவரை நன்கு அறிந்தாலும், ஒவ்வோர் பணியும் வேறுபடும், செயலின் தன்மைக்கு ஏற்றபடி, சரியானவரை தேர்ந்தெடுப்போம்! ________________________________________ [சரணம் 5] அறிந்தாற்றிச் செய்கிற்பாற் கல்லால் வினைதான் சிறந்தானென்று ஏவற்பாற்று அன்று! அறிவும் திறமையும் இல்லாமல், பெரிய செயலை ஒப்படைக்காதே, தகுதி உள்ளவரை தேர்ந்தெடுத்து, திறமையுடன் செயல்படுத்துவோம்! ________________________________________ [சரணம் 6] செய்வானை நாடி வினைநாடிக் காலத்தோடு எய்த உணர்ந்து செயல்! செய்பவரின் திறமை அறிந்து, செயலின் தன்மையும் உணர்ந்து, சரியான காலம் பார்த்து செய்தால், வெற்றி நம்மை வந்தடையும்! ________________________________________ [சரணம் 7] இதனை இதனால் இவன்முடிக்கும் என்றாய்ந்து அதனை அவன்கண் விடல்! இந்த செயலை இவன் முடிப்பான் என்று, திறமையை நன்கு ஆராய்ந்து, பொருத்தமான மனிதரிடம், பொறுப்பை ஒப்படைத்திடுவோம்! ________________________________________ [சரணம் 8] வினைக்குரிமை நாடிய பின்றை அவனை அதற்குரிய னாகச் செயல்! தகுதியை முதலில் கண்டபின், அதற்கேற்ற பயிற்சி தந்து, பொறுப்பை நம்பி ஒப்படைத்தால், பணி சிறப்பாய் நிறைவேறும்! ________________________________________ [சரணம் 9] வினைக்கண் வினையுடையான் கேண்மை வேறாக நினைப்பானை நீங்கும் திரு! திறமை உள்ள பணியாளரை, சந்தேகத்துடன் நடத்தாதே, நம்பிக்கை இழந்த இடத்தில், வெற்றியும் விலகிச் சென்றிடும்! ________________________________________ [சரணம் 10] நாடோறும் நாடுக மன்னன் வினைசெய்வான் கோடாமை கோடாது உலகு! பொறுப்பு பெற்றோர் செயல்களை, தலைவன் தினமும் கவனித்தால், ஒழுங்கும் வளர்ச்சியும் நிலைத்திருந்து, உலகமும் உயர்ந்து விளங்கிடும்!