இன்னாசெய்யாமை

பாடல் வரிகள்

அதிகாரம் 32 – இன்னா செய்யாமை [சரணம் 1] சிறப்பீனும் செல்வம் பெறினும் பிறர்க்கின்னா செய்யாமை மாசற்றார் கோள்! சிறந்த செல்வம் வந்து சேர்ந்தாலும், பிறர்க்கு துன்பம் செய்யாதிருப்போம், தூய மனம் கொண்ட நல்லோரின், துணிவான கொள்கை இதுவாகுமே! ________________________________________ [சரணம் 2] கறுத்தின்னா செய்தவக் கண்ணும் மறுத்தின்னா செய்யாமை மாசற்றார் கோள்! நம்மை வெறுத்து தீமை செய்தாலும், நாமும் தீமை செய்யாதிருப்போம், பகையை மறந்து மன்னிக்கும் உள்ளம், பண்பின் உயர்ந்த அடையாளமே! ________________________________________ [சரணம் 3] செய்யாமல் செற்றார்க்கும் இன்னாத செய்தபின் உய்யா விழுமம் தரும்! தீமை செய்யாமல் இருப்பதே நன்று, செய்துவிட்டால் துன்பம் தொடரும், பிறரின் உள்ளம் வருந்தும் செயலை, பிறவிலும் நீங்கா பழி தருமே! ________________________________________ [சரணம் 4] இன்னாசெய் தாரை ஒறுத்தல் அவர்நாண நன்னயம் செய்து விடல்! துன்பம் செய்தவரை வெல்ல வேண்டின், நன்மை செய்து காட்டிடுவோம், அவரின் மனம் நாணும் வகையில், அன்பால் பதில் அளித்திடுவோம்! ________________________________________ [சரணம் 5] அறிவினான் ஆகுவ துண்டோ பிறிதின்நோய் தந்நோய்போல் போற்றாக் கடை! அறிவு இருந்தும் பயனென்ன ஆகும், பிறர் துன்பம் உணரவில்லை என்றால்? தன் துன்பம் போல பிறர் துயரை, தாங்கும் மனமே அறிவாகும்! ________________________________________ [சரணம் 6] இன்னா எனத்தான் உணர்ந்தவை துன்னாமை வேண்டும் பிறன்கண் செயல்! தனக்கு துன்பம் தருவதைப் போல, பிறர்க்கும் செய்யாதிருப்போம், உள்ளம் உணரும் இரக்கத்தோடு, உயர்ந்த வாழ்வை நடத்திடுவோம்! ________________________________________ [சரணம் 7] எனைத்தானும் எஞ்ஞான்றும் யார்க்கும் மனத்தானாம் மாணாசெய் யாமை தலை! எத்தனை சிறிதாயினும் கூட, எவர்க்கும் தீமை செய்யாதிருப்போம், மனதில் பிறக்கும் தீய எண்ணத்தை, மாற்றுவதே சிறந்த பண்பாகும்! ________________________________________ [சரணம் 8] தன்னுயிர்க்கு இன்னாமை தானறிவான் என்கொலோ மன்னுயிர்க்கு இன்னா செயல்! தனக்கு துன்பம் வேண்டாத மனிதன், பிற உயிர்க்கு தீங்கு செய்வானோ? எல்லா உயிரும் ஒன்றென எண்ணி, இரக்கத்தோடு வாழ்ந்திடுவோம்! ________________________________________ [சரணம் 9] பிறர்க்கின்னா முற்பகல் செய்யின் தமக்கின்னா பிற்பகல் தாமே வரும்! பிறர்க்கு நாம் செய்யும் தீமைகள், பின்னால் நம்மை வந்தடையும், நன்மை விதைத்தால் நன்மை விளையும், நல்ல வழியில் நடந்திடுவோம்! ________________________________________ [சரணம் 10] நோயெல்லாம் நோய்செய்தார் மேலவாம் நோய்செய்யார் நோயின்மை வேண்டு பவர்! துன்பம் செய்யும் செயல்கள் எல்லாம், துன்பமாகவே திரும்பி வரும், துன்பமின்றி வாழ விரும்புவோர், தீமை செய்யாமல் வாழ்ந்திடுவார்!