ஈகை

பாடல் வரிகள்

அதிகாரம் 23 – ஈகை [சரணம் 1] வறியார்க்கொன்று ஈவதே ஈகை மற்றெல்லாம் குறியெதிர்ப்பை நீரது உடைத்து! வறுமையில் வாடும் மனிதர்க்கு ஈதல், வாழ்வின் உயர்ந்த அறமன்றோ, பயனை எதிர்பார்த்து செய்யும் உதவி, பரிசு நாடும் செயல் ஆகுமே! ________________________________________ [சரணம் 2] நல்லாறு எனினும் கொளல்தீது மேலுலகம் இல்லெனினும் ஈதலே நன்று! பெறுவதைக் காட்டிலும் கொடுப்பதே மேலே, பெருமை தரும் நல்வழியன்றோ, வானுலகம் இல்லை என்றாலும் கூட, வள்ளல் குணமே வாழ்வின் சிறப்பு! ________________________________________ [சரணம் 3] இலனென்னும் எவ்வம் உரையாமை ஈதல் குலனுடையான் கண்ணே உள! தன்னிடம் இல்லை என்று சொல்லாமல், தகுந்ததை பகிரும் உள்ளமே, உயர்ந்த குலத்தின் அடையாளமாம், உண்மைப் பெருமை அதுவாகுமே! ________________________________________ [சரணம் 4] இன்னாது இரக்கப் படுதல் இரந்தவர் இன்முகம் காணும் அளவு! கேட்டு நிற்பவர் துன்பம் காணாமல், கனிவுடன் உதவி செய்திடுவோம், அவரின் மலரும் இன்முகம் காண, அதுவே நமக்கு மகிழ்ச்சியாகும்! ________________________________________ [சரணம் 5] ஆற்றுவார் ஆற்றல் பசியாற்றல் அப்பசியை மாற்றுவார் ஆற்றலின் பின்! பசியை நீக்கும் பெரும் செயலை, பாரில் உயர்ந்தது என்பாரே, உணவளித்து உயிர் காப்பவரின், உதவி என்றும் நிலைத்திடுமே! ________________________________________ [சரணம் 6] அற்றார் அழிபசி தீர்த்தல் அஃதொருவன் பெற்றான் பொருள்வைப் புழி! வறுமையால் வாடும் பசியை தீர்ப்பது, வாழ்வின் மிகப்பெரும் சேமிப்பே, பிறர்க்கு செய்த நன்மை ஒன்றே, பிறவிக்கும் துணையாய் நிற்குமே! ________________________________________ [சரணம் 7] பாத்தூண் மரீஇ யவனைப் பசியென்னும் தீப்பிணி தீண்டல் அரிது! பகிர்ந்து உண்டு வாழ்பவரை, பசியின் துன்பம் அணுகாதே, ஈகை என்னும் உயர்ந்த பண்பு, இன்ப வாழ்வை அளித்திடுமே! ________________________________________ [சரணம் 8] ஈத்துவக்கும் இன்பம் அறியார்கொல் தாமுடைமை வைத்திழக்கும் வன்கணவர்! கொடுத்தலின் இன்பம் அறியாதவர், செல்வத்தை சேர்த்து வீணாக்குவார், பகிர்ந்திடும் உள்ளம் கொண்டவர்க்கே, பேரின்பம் கிடைத்திடுமே! ________________________________________ [சரணம் 9] இரத்தலின் இன்னாது மன்ற நிரப்பிய தாமே தமியர் உணல்! தனியே உண்டு மகிழ்வதைவிட, பகிர்ந்து வாழ்வதே இனிமையன்றோ, பிறர் துயரை உணர்ந்த உள்ளம், பெருமை நிறைந்ததாகுமே! ________________________________________ [சரணம் 10] சாதலின் இன்னாதது இல்லை இனிததூஉம் ஈதல் இயையாக் கடை! உயிர் இழப்பதைவிடக் கொடியதில்லை, ஆனால் ஈகை செய்ய முடியாத நிலை, கொடுக்கும் மனதை காத்திடுவோம், கருணை வாழ்வே சிறந்த வாழ்வு!