ஒப்புரவறிதல்

பாடல் வரிகள்

அதிகாரம் 22 – ஒப்புரவறிதல் [சரணம் 1] கைம்மாறு வேண்டா கடப்பாடு மாரிமாட்டு என்ஆற்றும் கொல்லோ உலகு! மழைபோல் பலனை எதிர்பாராமல், மனமுவந்து உதவி செய்திடுவோம், கைம்மாறு வேண்டா கருணை உள்ளம், கண்ணிய வாழ்வின் பெருஞ்செல்வமே! ________________________________________ [சரணம் 2] தாளாற்றித் தந்த பொருளெல்லாம் தக்கார்க்கு வேளாண்மை செய்தற் பொருட்டு! சேர்த்த செல்வம் நமக்கே அல்ல, சேர்ந்தவர்க்கெல்லாம் பகிர்ந்திடவே, தகுதியானோர்க்கு உதவி செய்வோம், தர்மம் வளர்க்கும் வழியிதுவே! ________________________________________ [சரணம் 3] புத்தேள் உலகத்தும் ஈண்டும் பெறலரிதே ஒப்புரவின் நல்ல பிற! உதவி செய்யும் உயர்ந்த பண்பை, உலகில் எதுவும் ஒப்பிடுமோ? இம்மையும் மறுமையும் போற்றும் செல்வம், இரக்க வாழ்வின் அடையாளமே! ________________________________________ [சரணம் 4] ஒத்தது அறிவான் உயிர்வாழ்வான் மற்றையான் செத்தாருள் வைக்கப் படும்! பிறரின் துன்பம் உணர்ந்து வாழ்வோர், பிறர்க்காக வாழும் சான்றோராவார், இரக்கம் இல்லா வாழ்க்கையெல்லாம், இருந்தும் இல்லா வாழ்வாகுமே! ________________________________________ [சரணம் 5] ஊருணி நீர்நிறைந்தற்றே உலகவாம் பேரறிவாளன் திரு! ஊருணி நீரால் நிரம்பியதுபோல், உதவும் மனதில் செல்வம் பெருகும், பகிர்ந்திடும் உள்ளம் கொண்டவரிடம், பாரின் வளமும் தங்கிடுமே! ________________________________________ [சரணம் 6] பயன்மரம் உள்ளூர்ப் பழுத்தற்றால் செல்வம் நயனுடையான் கண் படின்! கனியால் நிறைந்த மரம்போலவே, கருணை உள்ளம் பலன் தருமே, பிறர்க்குப் பயன்படும் செல்வமன்றோ, பெருமை வாழ்வின் பயிராகுமே! ________________________________________ [சரணம் 7] மருந்தாகித் தப்பா மரத்தற்றால் செல்வம் பெருந்தகை யான்கண் படின்! மருந்து தருகின்ற மரம்போலவே, மக்களுக்கு நன்மை செய்பவரிடம், செல்வம் இருந்தால் உலகம் முழுதும், செழிப்பும் நலனும் பெருகிடுமே! ________________________________________ [சரணம் 8] இடனில் பருவத்தும் ஒப்புரவிற்கு ஒல்கார் கடனறி காட்சி யவர்! வறுமை வந்த காலத்திலும் கூட, வழியறிந்து உதவி செய்வாரே, கடமை உணர்ந்த கருணை உள்ளம், காலங்கள் தாண்டி போற்றப்படுமே! ________________________________________ [சரணம் 9] நயனுடையான் நல்கூர்ந்தான் ஆதல் செயும்நீர் செய்யாது அமைகலா வாறு! உதவி செய்யும் நல்ல மனிதன், உதவ முடியா நிலை வந்தாலும், மனதில் வருந்தி வழி தேடுவான், மனித நேயத்தின் சிறப்பிதுவே! ________________________________________ [சரணம் 10] ஒப்புரவினால் வரும் கேடெனின் அஃதொருவன் விற்றுக்கோள் தக்கது உடைத்து! உதவி செய்வதால் இழப்பு வந்தால், உயர்ந்த இலாபம் அதுவன்றோ, கருணை வாழ்வை விலை கொடுத்தும், காத்திட வேண்டிய செல்வமதே!