புறங்கூறாமை

பாடல் வரிகள்

அதிகாரம் 19 – புறங்கூறாமை [சரணம் 1] அறங்கூறான் அல்ல செயினும் ஒருவன் புறங்கூறான் என்றல் இனிது! அறத்தில் முழுமை இல்லையென்றாலும், அடுத்தவர் குறையைப் பேசாதிருப்போம், புறங்கூறாத நல்ல உள்ளம், புகழின் பாதையில் நடத்திடுமே! ________________________________________ [சரணம் 2] அறனழீஇ அல்லவை செய்தலின் தீதே புறனழீஇப் பொய்த்து நகை! பொய்யாய் நகைத்து புறம் பேசுதல், பொல்லாத தீமை தருகின்றதே, உண்மையோடு அன்பாய் பழகிடுவோம், உயர்ந்த நட்பை வளர்த்திடுவோம்! ________________________________________ [சரணம் 3] புறங்கூறிப் பொய்த்துயிர் வாழ்தலின் சாதல் அறங்கூறும் ஆக்கம் தரும்! புறங்கூறி வாழ்வதை விடவும், பண்புடன் வாழ்வதே சிறந்ததன்றோ, உண்மை வழியில் நடப்பவர்க்கே, உயர்ந்த வாழ்வு கிட்டிடுமே! ________________________________________ [சரணம் 4] கண்நின்று கண்ணறச் சொல்லினும் சொல்லற்க முன்இன்று பின்நோக்காச் சொல்! நேரில் சொல்ல வேண்டியதை, நேர்மையோடு சொல்லிடுவோம், பின்னால் குறைகள் பேசுவதெல்லாம், பெருமை வாழ்வை கெடுத்திடுமே! ________________________________________ [சரணம் 5] அறஞ்சொல்லும் நெஞ்சத்தான் அன்மை புறஞ்சொல்லும் புன்மையால் காணப் படும்! அறம் பேசும் மனமுடையவன், அடுத்தவர் குறையைச் சொல்லானே, புறங்கூறும் பழக்கம் உள்ளதெனில், பொய்மையின் முகமே தெரியுமன்றோ! ________________________________________ [சரணம் 6] பிறன்பழி கூறுவான் தன்பழி யுள்ளும் திறன்தெரிந்து கூறப் படும்! பிறரின் குறையைச் சொல்வதாலே, தன்குறை தானே வெளிப்படுமே, தன்னையே முதலில் திருத்திக் கொண்டு, தாழ்மையோடு வாழ்ந்திடுவோம்! ________________________________________ [சரணம் 7] பகச்சொல்லிக் கேளிர்ப் பிரிப்பர் நகச்சொல்லி நட்பாடல் தேற்றா தவர்! பகை வளர்க்கும் புறங்கூறல், பாச உறவைப் பிரித்திடுமே, இனிய சொற்களால் நட்பை வளர்த்து, இன்ப வாழ்வை அமைத்திடுவோம்! ________________________________________ [சரணம் 8] துன்னியார் குற்றமும் தூற்றும் மரபினார் என்னைகொல் ஏதிலார் மாட்டு! நெருங்கியோரின் குறை கூறுவோர், பிறரை எவ்வாறு மதிப்பார்களோ? இரக்கம் நிறைந்த இதயத்தோடு, இனிதாய் எல்லோரையும் அணைப்போமே! ________________________________________ [சரணம் 9] அறன்நோக்கி ஆற்றுங்கொல் வையம் புறன்நோக்கிப் புன்சொல் உரைப்பான் பொறை! புறங்கூறும் மனிதரைத் தாங்கி, பூமியே பொறுமை காட்டுகின்றதே, நாமும் பொறுத்து அன்பை வளர்த்து, நல்லிணக்கத்தில் வாழ்ந்திடுவோம்! ________________________________________ [சரணம் 10] ஏதிலார் குற்றம்போல் தங்குற்றம் காண்கிற்பின் தீதுண்டோ மன்னும் உயிர்க்கு! பிறரின் குறையைப் பார்ப்பதுபோல், தன்குறை காணக் கற்றுக்கொள்வோம், தன்னைத் திருத்தும் நல்ல மனதால், தவறின்றி வாழ்வு மலர்ந்திடுமே!