பொறையுடைமை

பாடல் வரிகள்

அதிகாரம் 16 – பொறையுடைமை [சரணம் 1] அகழ்வாரைத் தாங்கும் நிலம்போலத் தம்மை இகழ்வார்ப் பொறுத்தல் தலை! நிலம்போல் நாமும் பொறுத்திடுவோம், நிந்தனை செய்தாலும் தாங்கிடுவோம், பொறுமை கொண்ட மனமுடையோரே, புகழின் உச்சியில் உயர்ந்திடுவார்! ________________________________________ [சரணம் 2] பொறுத்தல் இறப்பினை என்றும் அதனை மறத்தல் அதனினும் நன் று! பொறுத்தல் உயர்ந்த பண்பாகுமே, பகையை மனதில் வைத்திடாதே, மறந்து மன்னிக்கும் உள்ளம்தானே, மனித வாழ்வின் மாண்பாகுமே! ________________________________________ [சரணம் 3] இன்மையுள் இன்மை விருந்தொரால் வன்மையுள் வன்மை மடவார்ப் பொறை! வறுமையுள் வறுமை விருந்தின்மை, வலிமையுள் வலிமை பொறுமையன்றோ, தீமை செய்தாரைத் தாங்கும் உள்ளம், திகழும் அறத்தின் விளக்காகுமே! ________________________________________ [சரணம் 4] நிறையுடைமை நீங்காமை வேண்டின் பொறையுடைமை போற்றி ஒழுகப் படும்! நற்பண்பு என்றும் நிலைத்திருக்க, நாளும் பொறுமை காத்திடுவோம், அமைதி தருகின்ற இந்தப் பண்பே, அனைவர்க்கும் அணியாய் விளங்கிடுமே! ________________________________________ [சரணம் 5] ஒறுத்தாரை ஒன்றாக வையாரே வைப்பர் பொறுத்தாரைப் பொன்போல் பொதிந்து! தண்டிக்கும் மனதை உலகம் மறக்கும், தாங்கிடும் உள்ளத்தைப் போற்றிடுமே, பொன்னைப் போலப் பொறுமை காப்போர், புகழால் என்றும் நிலைத்திருப்பார்! ________________________________________ [சரணம் 6] ஒறுத்தார்க்கு ஒருநாளை இன்பம் பொறுத்தார்க்குப் பொன்றும் துணையும் புகழ்! பகை கொண்டு வென்ற மகிழ்ச்சி சிறிது, பொறுமை தருவது நிலையான புகழ், காலம் முழுதும் துணையாய் நிற்கும், கண்ணிய வாழ்வின் பெருஞ்செல்வமே! ________________________________________ [சரணம் 7] திறனல்ல தற்பிறர் செய்யினும் நோநொந்து அறனல்ல செய்யாமை நன்று! பிறர் தவறு செய்த போதிலும், பழிக்குப் பழி நாம் செய்யாதிருப்போம், அறத்தின் பாதையில் நிலைத்து வாழ, அன்பின் வழியைப் பின்பற்றுவோம்! ________________________________________ [சரணம் 8] மிகுதியான் மிக்கவை செய்தாரைத் தாம்தம் தகுதியான் வென்று விடல்! தீமை செய்பவரை வெல்ல வேண்டின், தீமையால் அன்று வெல்லலாமோ? பொறுமை என்னும் உயர்ந்த பண்பால், புகழுடன் வெற்றி பெறுவோமே! ________________________________________ [சரணம் 9] துறந்தாரின் தூய்மை உடையர் இறந்தார்வாய் இன்னாச்சொல் நோற்கிற் பவர்! கடுஞ்சொல் கேட்டும் கலங்காதவர்கள், துறவோர் போன்ற தூய்மையுடையார், பொறுமை காக்கும் நெஞ்சமுடையோர், பெரியோர் வரிசையில் நிற்பவரே! ________________________________________ [சரணம் 10] உண்ணாது நோற்பார் பெரியர் பிறர்சொல்லும் இன்னாச்சொல் நோற்பாரின் பின்! உண்ணாமல் நோன்பிருப்போர் பெரியோர், ஆனால் அதைவிட உயர்ந்தோரே, இன்னாச் சொல்லையும் பொறுத்து வாழ்வோர், இறையறம் காக்கும் சான்றோராவார்!