அடக்கமுடைமை

பாடல் வரிகள்

அதிகாரம் 13 – அடக்கமுடைமை [சரணம் 1] அடக்கம் அமரருள் உய்க்கும் அடங்காமை ஆரிருள் உய்த்து விடும்! அடக்கம் மனிதரை உயர்த்திடுமே, அமைதியின் பாதையில் நடத்திடுமே, அடங்கா மனம் இருள் நோக்கிச் செல்லும், அடக்கமே வாழ்வின் ஒளியாகுமே! ________________________________________ [சரணம் 2] காக்க பொருளா அடக்கத்தை ஆக்கம் அதனினூஉங்கு இல்லை உயிர்க்கு! அடக்கத்தை என்றும் காத்திடுவோம், அதுவே உயர்ந்த செல்வமன்றோ, உயிர்க்கு அதைவிட மேலோர் செல்வம், உலகில் எங்கும் இல்லையன்றோ! ________________________________________ [சரணம் 3] செறிவறிந்து சீர்மை பயக்கும் அறிவறிந்து ஆற்றின் அடங்கப் பெறின்! அறிவுடன் தன்னை அடக்கி வாழ்ந்தால், அருமை பண்புகள் மலர்ந்திடுமே, அமைதி தருகின்ற உயர்ந்த வாழ்வு, அனைவர்க்கும் முன்மாதிரியாகும்! ________________________________________ [சரணம் 4] நிலையின் திரியாது அடங்கியான் தோற்றம் மலையினும் மாணப் பெரிது! மனதில் உறுதி கொண்டு வாழ்வோர், மாறாத நெறியில் நிலைத்திருப்பார், மலையைவிடவும் உயர்ந்த பெருமை, மக்கள் மனதில் நிலைத்திடுமே! ________________________________________ [சரணம் 5] எல்லார்க்கும் நன்றாம் பணிதல் அவருள்ளும் செல்வர்க்கே செல்வம் தகைத்து! பணிவு கொண்ட மனமே பெருமை, பாரின் அழகிய அணியதுவே, செல்வம் இருந்தும் பணிவு சேர்ந்தால், சிறந்த செல்வம் அதுவாகுமே! ________________________________________ [சரணம் 6] ஒருமையுள் ஆமைபோல் ஐந்தடக்கல் ஆற்றின் எழுமையும் ஏமாப்பு உடைத்து! ஆமைபோல் புலன்களை அடக்கி வாழ்ந்தால், ஆயுள் முழுவதும் நன்மை பெருகும், தன்னடக்கம் காக்கும் மனிதர் வாழ்வு, தலைமுறை தோறும் புகழ் பெறுமே! ________________________________________ [சரணம் 7] யாகாவா ராயினும் நாகாக்க காவாக்கால் சோகாப்பர் சொல்லிழுக்குப் பட்டு! நாவைக் காக்கும் நற்பண்பாலே, நன்மை வாழ்வில் பெருகிடுமே, சொல்லின் தவறால் துன்பம் வராமல், சிந்தித்து என்றும் பேசிடுவோம்! ________________________________________ [சரணம் 8] ஒன்றானும் தீச்சொல் பொருட்பயன் உண்டாயின் நன்றாகா தாகி விடும்! ஒரு கடுஞ்சொல் பேசிய போதும், உறவின் பாலம் உடைந்திடுமே, இனிய சொற்களைத் தேர்ந்தெடுத்து, இன்பம் நிறைந்தே வாழ்ந்திடுவோம்! ________________________________________ [சரணம் 9] தீயினால் சுட்ட புண் உள்ளாறும் ஆறாதே நாவினால் சுட்ட வடு! நெருப்பின் காயம் ஆறிவிடுமே, நாவால் செய்த காயம் ஆறாதே, அன்பின் மொழியை பேசிப் பழகி, அமைதி உலகை வளர்த்திடுவோம்!